Քաղցկեղի հայտնաբերման նոր թեստ

ԱՄՆ-ում հաջողությամբ ավարտվել են թոքերի քաղցկեղի որոշման համար բացառիկ թեստի փորձարկումը, որը թույլ է տալիս ախտորոշել մեկ արտաշնչմամբ:

Կլինիկական փորձարկումները հաստատել են, որ շնչառական թեստը կարող է հայտնաբերել թոքերի քաղցկեղը 83% ճշտգրտությամբ, նաև կարող է տարբերել այս հիվանդության մի քանի ձևերը:

Այսպիսով, քաղցկեղի ամենավտանգավոր տեսակներից մեկի ախտորոշման համար այժմ բավական է միայն արտաշնչել հատուկ խողովակի մեջ և թեստը կորոշի հիվանդության առկայությունը թոքերի համակարգչային տոմոգրաֆիայի ճշտգրտությամբ: Ավելի վաղ այս բուժգործողության համար, սովորաբար կիրառվում էր բարձրտեխնոլոգիական սկանավորումն ու բիոպսիան:

Թոքերի քաղցկեղն աշխարհում քաղցկեղային հիվանդություններից մահվան ամենատարածված պատճառներից մեկն է: Այս հիվանդության բացահայտման համար գոյություն ունեցող թեստերը չափից ավելի սխալ արդյունքներ են գրանցում, ինչն էլ ստիպում է բժիշկներին կատարել բազմաթիվ ոչ պետքական բիոպսիաներ և ռենտգեն հետազոտություններ:

Շնչառական նոր թեստն առավել պարզ է օգտագործման մեջ և բացարձակ անվտանգ պացիենտի համար:

Թեստը հայտնաբերում է ուռուցքի մետաբոլիզմի քիմիական արդյունքը, որն ընկնում է արյան, այնտեղից էլ` արտաշնչվող օդի մեջ: Վարժեցրած շները շնչառությամբ կարող են ճշգրիտ որոշել պացիենտի մոտ թոքերի քաղցկեղի առկայությունը: Սակայն դա չի նշանակում, որ հիվանդանոցների ընդունարանների մոտ պետք է շների համար նախատեսված բներ տեղադրել:

Քրոմատոգրաֆիայի գազային մեթոդը նույնպես թույլ է տալիս շնչառությամբ հայտնաբերել քաղցկեղի մետաբոլիտները, բայց այն շատ բարդ է. պահանջում է որոշակի փորձ և սարքավորումներով հագեցած լաբորատորիա: Երկար տարիներ հետազոտողներն աշխատել են քաղցկեղի որոշման ոչ ինվազիվ շնչառական թեստի վրա: Արդյունքում հաջողվել է ստեղծել պարզ, հուսալի և դյուրակիր թեստ, որը կարող է օգտագործվել յուրաքանչյուր կլինիկայում:

Գիտնականները չեն սահմանափակվում ձեռքբերածով. Metabolomx ընկերությունն աշխատում է թեստի նոր սերնդի վրա, որը կարող է 1000 անգամ ավելի զգայուն լինել այժմյան թեստից և բացահայտել թոքերի և հաստ աղու քաղցկեղը 90% ճշտգրտությամբ:

Հարցեր, պատասխաններ, մեկնաբանություններ